img

Ji bo dengbêjiyê dîwanxaneyek ava kir

WAN – Dengbêj Îsmaîl Seyranoglû, ji bo jiyandina kevneşopiya dengbêjiyê li Wanê dîwanxane vekir. Seyranoglû, li dîwanxaneyê dengbêjiyê hînî nifşa nû dike û bang li ciwanan kir ku bên dîwanxaneya wî.
 
Dengbêj Îsmaîl Seyranoglû yê colemêrgî, ji bo jiyandina kevneşopiya dengbêjiyê li Wanê bi navê dîwanxane qursek vekir. Seyranoglû, dîwanxaneyê bi motîfên herêmî xemilandiye û lê niha perwerdeya dengbêjiyê dide 6 kesan. Seyranoglû, destnîşan kir ku ji bo ku dengbijyê hînî nifşa ciwan bike û bide jiyandin dîwanxane vekiriye.  Seyranoglû, da zanîn ku hezkirina wî ya dengbêjiyê ji zarokatiya wî tê û bi saya malbata xwe dengbêjiya xwe bi pêş xistiye. 
 
DENGBÊJIYA LI DÎWANXANEYÊ 
 
Seyranoglû, anî ziman ku ji bo jiyandina kevneşopiya dengbêjiyê hewl dide û wiha got: “Vekirina dîwanxaneyê û hînkirina ciwanan a çanda dengbêjiyê xeyala min bû. Niha ji bo pêkanîna xeyala xwe gavên destpêkê davêjim. Beriya demekê ji Colemêrgê hatim Wanê, Min maleke ku kire kiriye, bi motîfên herêmî xemilandiye û wergerandiye stûdiyoyê. Li dîwanxaneyê qursên dengbêjiyê didin ciwanan. Ne tenê ji bo xwe, difikirim ku ev dîwanxane dê feydeyê bigihîne nifşên nû jî.”
 
BANGA LI MALBATAN
 
Seyranoglû, agahî da ku li dîwanxaneyê 6 kesan perwerde dike û ev tişt got: “Ji ber pandemiyê niha ji 6 xwendakarên min tenê 2 xwendekar aktîf tevlî waneyan dibin. Ez bawer dikim ku dê ev hejmar zêde bibe û hevalên me di rêya dengbêjiyê de berdewam bikin. Em niha di asta pêşxistina dîwanxaneyê de ne. Di demên pêş de em ê gelek ciwan tevlî nav xwe bikin û çanda dengbêjiyê bidin jiyandin. Di hin rojên hefteyê de jî ez ê li ser WEB TV’yê bi awayekî zindî bernameyên dengbêjiyê çêbikim. Ez ji vir bangî hemû malbatê dikim ku zarokên xwe bişînin dîwanxaneyê.”
 
JIYANDINA DENGBÊJIYÊ
 
Ji xwendekaran Selman Demîr, diyar kir ku dixwaze çanda dengbêjiyê hîn bike û bigihîne nifşên demên pêş û wiha got: “Ez ji dengbêj Xelîl Bakozî û Salih Şirnexî bi bandor bûm. Min ji stranên wan gelek hez dikir. Dixwazim wekî wan klaman bibêjim. Ji ber pandemiye min dereng serî li vir da. 20 roj in em wane digirin. Dixwazin ji hevalên xwe yên ku di temenê min de ev tişt bibêjim, ‘Em dikarin ji bo jiyandina çanda xwe xebateke hevpar bikin. Dixwazim ku hevalên min bên vir’.”
 
ARMANCA WAN JIYANDINA DENGBÊJAN E
 
Xwendekar Sûat Şeylan jî destnîşan kir ku dîwanxane ji bo jiyandina çanda wan dibe alîkar û ev tişt anî ziman: “Em ji bo bi bîranîn û bî bîrxistina deng, nirx û dengbêjan li vir in. Ez di rêya Dengbêj Hecî Abdulkerîmê panosî de dimeşim. Armanca me jiyandin dengbêjê me ye.” 
 
MA/ Ozlem Yayan
 

 

Nuçe / Foto: Mezopotamya

Herwiha Check

img

Berê rêya betlaneya xwe bidin Wanê

WAN –  Ji bo ku hûn strêsa salê ya li ser xwe bavêjin, berê rêya …

Bir cevap yazın

E-posta hesabınız yayımlanmayacak. Gerekli alanlar * ile işaretlenmişlerdir